دموع فرح

دموع فرحه

  دموع فرحه

تفتكرو الناس الى بنشوفها فى عز فرحها ونجاحها بتعيط ليه !!!؟

حد جرب يسال ايه سبب الدموع الى نازله فى وقت ضحكه جميله صافيه 

حد يعرف ؟

انا اقولك.....

دموعه الفرحه دا تعبير متناقض جدا لان الدموع كنايه عن الحزن والفرحه كنايه عن السعاده والسرور 

لكن ايه الى لم الشامى على المغربى (اقصد ايه الى جاب الدموع للضحكه)

فيه انواع كتيييييير  تخلى الانسان يعيط فى عز فرحه انا هختار 4 انواع بس :

1/ دموع النجاح

2/ دموع الفوز

3/ دموع الوصول للهدف

4/ دموع الجواز

      (دموع النجاح)         

فرحه التخرج والنجاح

لما نشوف طالب ايأ كان مرحله تعليمه بيستلم شهاده نجاحه وواقف قدام ابوه وامه الى رفع راسهم وتنزل دمعه من عينيه وسط ضحكه طبعا فى الوقت تفسير الضحكه انه فرحان بنجاحه ودا الى فاهمه الجميع لكن تفسير دموعه محدش يفهمه ويعرفه الا هوا لانه بيبقى فى الوقت دا موجود معاهم جسديا لكن عقله فى مكان تانى خالص لما كان بيذاكر وطالع عينيه وسهران طول الليل حتى مفيش وقت يستريح لانه عارف ان النجاح مش بالساهل حتى انه يرفهه عن نفسه بردو مفيش وقت واصحابه بيلعبو ونفسه يلعب معاهم بس بيجى على نفسه 

لما يفتكر كل دا فى وقت نجاحه تنزل دمعه من عينه لانه كان حاسس انه ظلم نفسه وجه عليها زمان لكن الحقيقه انه كان بيكرمها ويعلى من شأنها اول ما يفهم كدا لازم عينيه تدمع ويبكى فى نفس الوقت الى هوا فى عز فرحه ..........

(دموع الفوز)

دموع الفوز 

لما نشوف لاعب واقف وسط جمهور كبير بيتفرج عليه وهوا بيستلم ميداليته وف قمه فرحه بفوزه وتلاقى الدموع فى عينيه اكيد شريط تعبه فى التمرين وذله وطلوع روحه وعزيمته واصراره الى كانو بيصبروه على التمرين وبيدفعوه للامام وانه كان فى يوم متاكد انه هيقف الوقفه دى قدام كل الجمهور ويسقفوله ويقول انا فزت اكيد لازم تدمع عينيه بالرغم من فرحه الشديد بالفوز......

(دموع الوصول للهدف)

الوصول الى ابعد ما يتوقع الناس

كل واحد فينا بيبقى حاطت لنفسه خطه يمشى عليها لكن مش هوا دا الانجاز الروعه انك تحقق الخطه دى زى ما رسمتها لنفسك بدون تدخل الاخرين وتوصل لهدفك فى اللحظه دى بقى لازم عيونك تدمع لانك بتفتكر صبرك على الابتلاء الى تعرضتله واليأس والناس الى كانت بتقولك مش هتوصل وانتا مكمل وكانهم مش موجودين والى يقولى انتا اخرك هنا ياااااااااه لما توصل لابعد من الى ناس شيفاه ليك لاااااااااااااازم تبكى وانتا فى نفس الوقت فى اكبر فرحه ليك لانك كنت متاكد ان بكرا هيجى احلى ومعاه حلمك وهدفك ........

(دموع الجواز)

 دموع العروسه

طبعا انا اقصد هنا العروسه لان العريس بيبقى فى ملكوت تانى خالص وفرحان ومندمج لكن العروسه بتبدا تعيط بالتحديد لما امها توصلها لغايه بيتها وتودعها تشوف ارق دموع من العروسه رغم انها فى اسعد لحظه فى حياتها لكنها بتفتكر اخواتها الى هتسيبهم ويبعدو عنها تفتكر زمان لما كانو اطفال يجرو ويلعبو مع بعض والبيت الى اتربو فيه فعلا ايام جميله جدا بتعدى قدام عنيها لازم تبكى فى الوقت دا.........

خلاصه القول : ناس كتير بتوصل لاحلامها لكن مش هوا دا الى المؤاثر الفكره فى المعاناه والقصه الرائعه الى وصلت بيها لحلمك الى لما تعدى شريط صور قدام عينك تعيط 

افهم الكلام دا كويس:

خلى عندك هدف واحلم كويس لانك بكرا هتوصل ودقق فى تفاصيل قصتك وعشها لانها فى يوم من الايام هتخليك تدمع وانتا بتضحك.......
      بكرا احلى